الترويج لنفسي كمصممه ذو خبره (متجدد)
الترويج لنفسك هو أكبر خطوه عشان تكونين مصممه مستقله
تنبيه: اذا انتي مصممه و ما عندك خبره وتسوين اغلب الاخطاء اللي بالنصائح
فمهما سويتي الخطوات ما راح يضبط الترويج معاك
قائمه بالمحتوى
- الترويج
- اشياء تفاديها
- نصائح
الترويج
أولاً
كيف راح يعرفونك حسابات الأخبار؟
إذا إنتي ما رحتي لهم و علمتيهم ما راح يعرفون
حطي ببالك إن كل حسابات الأخبار تدور ناس أسلوبهم بالتصميم مختلف
مع إسلوب لطيف إتواصلي معاهم أنتي أول، وريهم عينه من تصاميمك
إذا عجبهم بيتواصلون معاك
حاولي تحطين اربعه عينات و كلها مختلفه
مثلاً (تصميم فخم، تصميم هادي، تصميم غير معتاد أو فكره جديده)
إذا مو حابه تتتواصلين معاهم صممي لصحباتك اللي عندهم حساب اخبار
كمان اذا كنتي بفريق ترجمه اعرضي تسوين لهم بروفايل و خليهم ينزلون لك تويته شكر
إذا تواصلو معاك من حقك تطلبين تويته شكر
تويته الشكر و الاسلوب اللطيف و التصميم الفريد
يخلي اسمك يتناقل بين حسابات الاخبار
حتى لو التصميم لحسابك الشخصي نزلي تويته شكر لنفسك
لان انتي الكل يتابعك بحساب الاخبار و اللي يتابعونك ممكن يكونون
ادمنز او لهم حسابات اخبار
ثالثاً
بعد ما ينشهر إسمك مهم جداً تحطين لك شروط
إنتي مو بحساب تصميم عشان تُجبرين تصممين للكل
الشروط تحفظ لك وقتك و حقك و حق حسابات الاخبار
أهم الشروط إنها ما تكون تعقيديه و تكون جداً مختلفه عن شروط حسابات التصميم
لانك حالياً مصممه مستقله
رابعاً
حلو جداً تحطين لك موقع يجمع نبذه عن تصاميمك و شروطك
carrd شخصياً أفضل موقع
مشكله هالموقع إنك تحتاجين تصممين كل شي من الصفر
مو نفس بلوقر و وردبريس القوالب تكون جاهزه و انتي تغيرين الالوان
هنا أول فديو شفته للكارد و تعلمت منه الاساسيات
و بعدها بديت أجرب و أفشل لين وصلت لشكل مدونتي الحالي
linktree إذا كارد صعب ممكن تستخدمون موقع
شخصياً ما إستخدمته لكن هو الأسهل لربط المواقع
Behance كمان موقع
مفيد يعتبر زي تويتر للمصممين يسمح لك تحطين عينات أكثر لتصاميمك
خامساً
من حقك تطلبين مبلغ مادي
متى ينطلب؟
مثل حالات الإفناتات لأعياد الميلاد لان أصلا فيها دخل مادي لصاحب المقهى
.و الحساب أصلا حيكون عندهم مبلغ للمشروع فمن حقك تطلبين مبلغ مادي
الأسعار تعتمد على جوده تصميمك يفضل أنك تبحثين عن الأسعار المدفوعه
و تكون عندك خبره فيها و كم تكلف أبداً لا تحطين أسعار من راسك
كمان المتاجر لأن أصلاً عندهم دخل فما يحق لهم يطلبون تصميم ببلاش من مصممه
هذا من أقل حقوقك إن يندفع لك حق جهدك و وقتك
و طبعاً قيسي على هذا المنوال
نصيحه من جيلي: أنا الى لان الناس ما ترد عليا لما اتواصل معاهم او يردون و اصمم لهم
و يطنشوني بعد ما اخلص الهيدر و ارسله لهم
باختصار الناس كثير قليله ذوق فانتي اسحبي عليهم راح يجي يوم
👌 و يجونك هم و هنا انتي اسحبي عليهم
٢- التعديل
عدلي لهم بحدود المعقول فيه اشياء تتعدل و فيه اشياء لا
في الاخير انتي المصممه و انتي الادرى بالتصميم
اذا شي يقلل او يغير فكره التصميم من حقك ترفضين انتي ما تبغين تسلمين شي مو راضيه عنه
لان في الاخير بينزلون تويته شكر و الحسابات بتشوف تصميمك
و صدقيني نظرتك للبروفايل انه حلو او لا بعد التعديل هي النظره الصح لانك انتي الفاهمه هنا مو هم
٣- حقوقك لا تنسينها حتى لو بس بتورينهم هو عشان تكملينه لهم او تغيرينه حطي حقوقك
قلت لك الناس قليله ذوق اقلها بياخذون هالعينه و يستخدمونها
و كمان انتي تبغين تنشرين اسمك فهم راح يدلون حسابك من حقوقك
٤- لا تغيرين يوزرك كثير
التغير هو اللي بيظلمك و ما راح يلاقونك اذا عجبهم تصميمك
اثبتي على واحد تغيرينه مره مرتين مافيها مشكله لكن مليون مره
😂 هنا اقول لك رحمه الله عليك
ما راح يعرفونك و بيدورون غيرك حتى لو بالاخير طاحو على حسابك بيكونون بشكك
هل انتي اللي تصممين او لا؟
